Ака уйăхĕн  20-мĕшĕнче  ачасене тăван халăхăн йăли-йĕркине, чăваш чĕлхин илемне, çепĕçлĕхне туйма вĕрентес тĕллевпе 6-8-мĕш классенче  «Чăваш чĕлхин вăрттăнлăхĕсем»  викторина иртрĕ. Унта чăваш чĕлхипе литературине, тăван ен культурине  лайăх пĕлекенсем тупăшрĕç.  Кашни вĕренекен хурав пама тăрăшрĕ, хăйсен пĕлĕвне тĕрĕслерĕ. Чи нумай балл пухса 8-мĕш класра вĕренекен Ялитова Анастасия малти вырăна тухма пултарчĕ.

Халӑх ӑс-хакӑлӗн пуянлӑхӗпе вӗрентĕвне пӑрахӑҫа кӑларас марччӗ. Асатте-асаннесен чипер тӗслӗх вырӑнӗнчи паха йӑли-йӗркине, ырӑ кӑмӑллӑ пуян чун-чӗрине, саваплӑ туртӑмла пехил-халалне асра тытасчӗ. Ҫак еткерлӗхе ӗмӗр тӑршшӗпе ҫӗклесе пырасчӗ. Чӗлхе пур пулсан эпир те яланах пур.